(၁) အစီအစဉ်  Do I really look like a guy with a plan? ဆိုတဲ့ ဂျိုကာရဲ့စကား ကြားဖူးလိုက်တဲ့နောက်ပိုင်းမှာ ကိုယ့်ကိုယ်ကိုလည်း အဲဒီစကား ပြန်ပြန်သုံးမိတယ်။ တခြားလူတွေကို မပြောဖြစ်ပေမယ့် ကိုယ့်ဖာသာပြန်သုံးသပ်ချက်အရတော့ သေချာအစီအစဉ်ဆွဲပြီး လုပ်တတ်တဲ့လူမျိုး မဟုတ်တာပဲ။ အစီအစဉ်တကျစဉ်းစားထားတာမဟုတ်ဘဲ ကြုံသလိုလုပ်သွားခဲ့မိတာက များများလို့ ကိုယ့်ဘာသာတော့ ထင်တာပဲ။ မဟုတ်ရင်လည်း အစီအစဉ်တွေချနေရင်တောင်မှု တကယ်လုပ်ဖြစ်တဲ့အချိန်ကျရင် လတ်တလောဖြစ်တဲ့နောက် ယောင်ပြီး ပါသွားတတ်တယ်။ အဲလိုဆိုလို့ ပြုလွယ်ပြောင်းလွယ်ဆိုလားဆိုတော့လည်း မဟုတ်ပြန် ဘူး။ ခေါင်းမာတတ်တာလည်း တော်တော်များပြီး အခြေအနေအရ ပြောင်းလုပ်တာမျိုးလုပ်ဖို့ အတော်ခက်တယ်။ တခုခုဖြစ်လာရင် ဘာမှ သေချာ မတွေးမိတော့ဘဲ လုပ်ပစ်တတ်မိတာပဲ။ အဲလိုရှိလို့လည်း အစီအစဉ်သေချာဆွဲဖို့ ပိုလိုတယ်ဆိုပေမယ့် အစီအစဉ်တွေယောင်းဝါးဝါးဆွဲထားပြီး ကြုံလာတော့ ကြုံသလိုလုပ်မိနေတာချည်းပဲ။ အဲ ဘဝကလည်း ဘယ်လိုပဲ ကြိုစဉ်းစား စဉ်းစား ဖောက်ပြီးတော့ ဖြစ်ချင်တာလည်း ဖြစ်ရတာပဲ။ ခုတခေါက်တော့ ခရီးထွက်မယ်လုပ်ကြတော့ အရင်တခေါက် အူဗာသွားကြတုန်းက ...